مدح علی اکبر

تولد علی اکبر(ع)

اون بیری شعبان گلیپ،جسمه باشدان جان گلیپ

دردلره درمان گلیپ حامی قرآن گلیپ

مظهر ایمان گلیپ، بیزلره جانان گلیپ

اشبه الناس پیمبر یا علی اکبر

دین حقه یار و یاور یاعلی اکبر

نوگل حیدر گلیپ ، شبه پیغمبر گلیپ

شیعه یه سرور گلیپ، باشلارا افسرگلیپ

مکتبه زیور گلیپ ، عشقیچین رهبر گلیپ

دلربا دلبرگلیپ، دنیایا اکبرگلیپ

اشبه الناس پیمبر یا علی اکبر

دین حقه یار و یاور یاعلی اکبر

زیور دنیایه باخ ، زینت عقبایه باخ

آیت کبرایه باخ، غنچة طاهایه

باخ طلعتی رخشایه باخ، صورتی زیبایه باخ

زادة لیلایه باخ ، باخ گوزل سیمایه باخ

اشبه الناس پیمبر یا علی اکبر

دین حقه یار و یاور یاعلی اکبر 5/8/1380
************************************************

مبارکدی مبارکدی

بوگون گلدی علی اکبر،سویوندی سیّد وسرور
بویوردی زادةحیدر، گوزل لیقدا علی تکدی
علی اکبر نه گویچکدی، نه گویچکدی
بیزیمچین جشن میلادی مبارکدی مبارکدی
مبارکدی مبارکدی مبارکدی (2)
اوزونده نور ایماندی دوداغی مثل مرجاندی حسینین جسمینه جاندی ،
علی اکبر نه گویچکدی مبارکدی مبارکدی مبارکدی (2)
عزیز مرتضی گلدی ، شبیه مصطفی گلدی یئره گویدن ندا گلدی،
گوزل لیقدا علی تکدی
بیزیمچین جشن میلادی مبارکدی مبارکدی مبارکدی مبارکدی مبارکدی (2)
سپین گُل ایندی یار گلدی، گولنده گُل بهار گلدی وقارلی نازلی یار گلدی،
علی اکبر نه گویچکدی بیزیمچین جشن میلادی مبارکدی مبارکدی
مبارکدی مبارکدی مبارکدی (2)
اولوپدی اون بیری شعبان، آچیپدی گوزلرین جانان آدی هر درده دی درمان،
گوزل لیقدا علی تکدی بیزیمچین جشن میلادی مبارکدی مبارکدی
مبارکدی مبارکدی مبارکدی (2)
ولائی بی قرار اولدی، اسیر زلف یار اولدی گئجه گون آشکار اولدی،
علی اکبر نه گویچکدی بیزیمچین جشن میلادی مبارکدی مبارکدی
مبارکدی مبارکدی مبارکدی (2)
میلاد علی اکبر
روییده نرگس ، روییده سوسن ازحُسنِ یک گٌل ، دنیا شد گلشن
زادة زهرا، چشم تو روشن، چشم تو روشن
ای جان جانان، مولا علی جان، (مولاعلی جان)2 ******************************
گَلدی دنیایه ، زهرا دلبندی حسینین اوغلی ، طاها دلبندی
آدی علی دی ، نوری جلی دی گوزل جمالی ، چوخ گورمه لی دی
آتا باباسی ، خلقه ولی دی
سنسن علی جان ، بیزلره جانان
ای جان جانان، مولا علی جان، (مولاعلی جان)2 ****************************
ادب مظهری ، کامل بیر انسان
اولسون جانیمیز ، جانیوه قربان
مولاحسین جان ، گلدی ناز بالان
بلبل چمنده اولدی غزلخوان گوزلرین آیدین ، مولا حسین جان
گُلّندی دنیا ، اولدی گلستان
ای جان جانان، مولا علی جان، (مولاعلی جان)2 ******************************
گُل آچدی گُل لر ، اوخور بلبل لر
اسیر ساق سولا ، اوینور سُنبل لر
آخیر سو سئل لَر ، سویوندی ائل لرگلدی بو گونده ،
دردلره درمان گوزلرین آیدین ، مولا حسین جان
ای جان جانان، مولا علی جان، (مولاعلی جان) 1/8/1380
یا علی اکبر
گلدی میلادین علی دیلده وار یادین علی
ای حسینین سویگولی یا علی اکبر(2)
اون بیری شعبان گلیب بیزلره جانان گلیب
اکبر آدلی جان گلیب یا علی اکبر(2)

اوره ک لر اولدی غصّه دن آزاد
اولسون مبارک بیزه بو میلاد ب
اغ لیلانین گولی ای حسینین سویگولی
جان جانانیم علی یا علی اکبر(2)

اولدی بوگونده شیعه لر دلشاد اولسون مبارک بیزه بو میلاد
برجوانان سروری از همه زیباتری برحسین بال وپری یا علی اکبر(2)

دلبر مایی علی جان لیلایی علی عالم آرایی علی یاعلی اکبر
از غصّه ها شد دل ما آزاد
میلادت ای دلبر مبارک باد
قامت رعنای تو آن رخ زیبای تو نرگس شهلای تو برده دل ازماعلی
ای عزیز فاطمه می کند دل همهمه ای فدایت ما همه یاعلی اکبر(2)

از غصّه ها شد دل ما آزاد میلادت ای دلبر مبارک باد

غنچة طاها علی زادة زهرا علی

گوید این دل یا علی یا علی اکبر(2)
ای شبیه مصطفی نورچشم مرتضی غنچة باغ ولا یاعلی اکبر
ای فدای نرگس شهلای توجانهای ما
کن نظر برعاشقانت ای گل رعنای ما
کی رسد بر آستانت ای علی جان پای ما
از غصّه ها شد دل ما آزاد میلادت ای دلبر مبارک باد
سن حسینین جانی سان دین حق قربانی سان
دردیمین درمانی سان یا علی اکبر(2)

اوخشیار لیلا آنان آتش هجره یانان
سن آنانسان مثل جان یاعلی اکبر (2)

باعث اولدی اشقیا قانه باتدی کربلا
گل آنان سالسین یولا یاعلی اکبر(2)

سن گدیرسن میدانا قالمیشام یانا یانا
نینه سین سنسیز آنا یا علی اکبر (2)

گون اولار سندن سورا لیل یلدادن قارا
وار اورکده چوخ یارا یاعلی اکبر (2)

ای ادبلی با وفا اکبریم ای وای بالا
سن گیدن لیلاقالا یاعلی اکبر یا علی اکبر(2)

16/8/1379

اوغری

بو شهریمیزده بیزیم واردی بی شمار اوغری
چیخارلی شهریدی کی اوندا چوخ چیخار اوغری
گوزوم ده اگری گورور دوزلری ندن گورمور
اوشهریده که چیخیپ اوردا شهردار اوغری
رییس نایبی ده اوغری چیخدی شوراده
کیمه حمایت ایداخ بوردا بسکه وار اوغری
دوواردان اوسته چیخاردی قدیم ولی الان
یالاندی گر دیسه لر داملاری آشار اوغری
قدیم زاماندا یوزه اوغریلار ویراردی نقاب
الان اوغور لوقونا ائیلیر افتخار اوغری
او شهرداریده که شهرداری اوغری چیخا
ال اگری . اوندا اولار شهره مستشار اوغری
دوشوپدی زندانا اولده بیر نماینده
ائدیپدی شهریمیزی غملره دچار اوغری
بوشهر شور وشعورون شعوری هاردا قالیپ
کی گون به گون گورونور اوندا آشکار اوغری
اگر که اوغریلارین ال لرین کسن یئری وار

که عبرت اوندا آلار تاپماز اعتبار اوغری