ای باقرالعلوم نبی باغری قان آقا

آغلارسنین مصیبتیوه انس و جان آقا

اوز شهرینین غریبی سنه جانیمز فدا

ای باقرالعلوم زمین و زمان آقا

جابر سنه یئتیردی پیمبر سلامینی

سنسن او مقتدایه یقین مثل جان آقا

زین العبادین اوغلوسان ای بحر علم وفضل

گورمز سنین نظیریوی بیرده جهان آقا

چوخ اوخشارین پیمبر آخر زمانه دی

همنام سان محمده ای مهربان آقا

سن گورموسن که خیمه لری اود دوتوپ یانیر

ای دامنی قاچاندا اوت ایچره یانان آقا

سن گورموسن بابان نئجه آغلاردی هر زمان

گوردون اولوپدی قامتی غمدن کمان آقا

گورسیدی سو ، سوسوزلاراگوزدن توکردی یاش

گورسیدی سوت امه ر ، ائلی یه ردی فغان آقا

گورسیدی بیرجوان علی اکبر کیمی رشید

زین العباد اولاردی اودم نوحه خوان آقا

سن کربلاده کرب وبلالر نشانی سان

آغلارسنین مصیبتیوه عرشیان آقا

سن کربلا مصیبتینی گوردو گوزلرین

اولدون رها سن عمریده غمدن هاچان آقا

سقّای کربلایه عمو سسلیه ن زمان

عباس عمون دییردی سنه اوندا جان آقا

ای نیزه لر باشیندا گوره ن جدّینین باشین

دورت بئش یاشیندا غملره اولدون نشان آقا

سن جدّیوین دوداغلارینی گوردی گوزلرین

طشت طلا ایچینده دییپ خیزران آقا

روحوندانقش باغلادی شامین مصیبتی

اولدی خرابه یئرده سنین چین مکان آقا

سن عمه وی رقیه نی گوردون که جان وئریر

وئردی او اوچ یاشیندا بویوک امتحان آقا

سمّ جفا جگرلریوی اوتدا یاندیریپ

دریا کیمی مصیبتی ای بیکران آقا

آغلار گوزیله یازدی ولایی مصیبتین

جانلار سنه فدا اولا ای باغری قان آقا

19/6/1395 ساعت 5 صبح