آچ گوزلرین نازلی بالا      قویما گوزوم آغلار قالا
سوسوزلوق ای وای غنچه لب  ایستیر سنی دیلدن سالا
لای لای بالا لای لای بالا          لای لای بالا لای لای بالا
آچ گوزلرین بیر باخ منه  یوخدی وئرم سوت سو سنه
سوسوز دوداخلارین اوغول   اوخشور سارالمش سوسنه
دوشمه علی حالدان حالا لای لای بالا لای لای بالا          
غملرله اولدوم روبرو     یوخ خیمه لرده جرعه سو
سن بیر دیل آچ سسله عمو  تامشکیلن دوشسون یولا
لای لای بالا لای لای بالا          لای لای بالا لای لای بالا

بیر یول منی سسلن آنا    من ده دییم  یوز یول جانا
قویما آنان اوتدا یانا       باشه قارا معجر سالا
لای لای بالا لای لای بالا          لای لای بالا لای لای بالا

 ای آلتی آیلیق دلبریم         آغلار قالیپدی گوزلریم
سقّا عموندی اصغریم       قویماز بالام عطشان قالا
لای لای بالا لای لای بالا          لای لای بالا لای لای بالا

گول تک سارالمیش سولموشان  اوغلوم بولود تک دولموشان
مندن گیلیلی اولموشان      قویمام بو غنچه م تئز سولا
لای لای بالا لای لای بالا          لای لای بالا لای لای بالا

 ایندی رقیه دیده تر          اولموش غمیندن با خبر
آغلیرسنه ائیلور نظر        گلمیش سنه لای لای چالا
لای لای بالا لای لای بالا          لای لای بالا لای لای بالا

من آغلیرام سن آغلاما        اشکین عذاره باغلاما
قلبی غمیلن داغلاما       من تک گوزیوی تیک یولا
لای لای بالا لای لای بالا          لای لای بالا لای لای بالا

عبّاس عمون الان گلر        مشکین دوباره سیلکه لر
وئرسنه سنه بیرجرعه سو    سن سو ایچنده دینجه لر
بوش مشکی کاش اوغلوم دولا   لای لای بالا لای لای بالا
یازدی ولائی سو سوزون      اصغر بالام  آچ بیر گوزون
سائل الیندن دوت اوزون       یاز سن برات کربلا
لای لای بالا لای لای بالا          لای لای بالا لای لای بالا             

    زنجان : ولائی12/09/1390 ساعت هشت شب