حسینی حاج جواد تک هرکیم اولسا
حسینین عشقینی باشیندان آتماز

یقینیم وار آقا اوزنوکرینی

قارانلوق قبریده یاددان چیخارتماز
*****************

توکوپدی گوز یاشی بیرعمر شاعر
حسین اولموش اونون تنها نگاری
ربیع الاولین اون بیرگونونده
ملاقات ائیلیوپدی یار یاری
***********************
ائدیپدی تربیت مداح و شاعر
اولوپ استاد خلقه افتخاری
غریقین آدینی ائیلوبدی زنده
اولوپ بو مکتبین بنیان گذاری
*****************
ائدیپدی حوزه ده تحصیل دانش
فقاهتدن آلیب عزّ و وقاری
وئریپدی درس مقتل مکتبینده

بو ایشده شهرت دیرینه واری
******************

وارئیدی چوخ علاقه درس دینه
اونون روحانی دی اصل و تباری
قالیپ اوندان بحق آثار فاخر
حسین عشقی اونون دار و نداری
********************
قالوب مرآت و اذکاری بوگونده

حسینی دن بیزیمچین یادگاری
نه گویچک حاصل عمر حسینی
کتاب چارده معصوم واری
*****************
گئجه گوندوز چالشمش حق یولوندا
یازیپ شعری حسین اولموش شعاری
آقام ای وای دییپ گوزدن توکوپ یاش

اولوپ مولا حسینین اشکباری
***********************
حسینی لر اونی یاددان چیخارتماز
درود و لطف حق اولسون نثاری
ولایی یاز حسینی گیتدی الدن

بودنیانین یوخ اصلا اعتباری

*************************

سیدناصر ولایی 24/10/1395 زنجان