اولدی بو غمدن اوره گیم قان حسین

شام          غریبانیوه      قربان   حسین

خیمه لرن ویردیلار اوت  سر به  سر                      قاچدی چوله   اهل  حرم     خونجگر

اولدی  رقیه ن    بوگیجه    نوحه گر                      سسلدی گل دادیمه ای جان حسین

شام     غریبانیوه    قربان   حسین

وحشی عرب غارته یوز قویدولار                          زینت  و رختی  هامیدان    سویدولار

عمرولریندن    بالالار    دویدولار                          خیمه لرن دوشدی نه طوفان حسین

شام     غریبانیوه    قربان   حسین

خیمه یانیپ قاچدی اوشاخلار چوله                      وا  ابتا       لفظی    دوشوپ   هر   دیله

ناله  سسی   سالدی    چوله     ولوله                      اولدی   اوشاخلار هامی گریان حسین

شام     غریبانیوه    قربان   حسین

زینب    نالان    نه    پریشان    گزیر                     خیمه نین     اطرافینی      الان     گزیر

خواهری  کلثومیله    گریان     گزیر                      سسلنیر  ای لب لری عطشان حسین

شام     غریبانیوه    قربان   حسین

سو قروقی سیندی دوشوپ اضطراب                    اصغر   آناسی    سودان   ایچدی  رباب

سینه   دولوپدی   سوته اولدی کباب                    آیری لیقندان   ائدیپ    افغان  حسین

شام     غریبانیوه    قربان   حسین

قتلگه   ایچره    دولانیر   بیر     خانم                           جسمیوی   گوردی   دیدی  ای  جانیم

کاش  یئریوه   من   بوقدر   دوغرانیم                           پیکرین اولموش نیه شان شان حسین

شام     غریبانیوه    قربان   حسین

خولی   تنور ایچره   قویوپدی باشین                       کول قاریشیق قانه  باتیپ گوز یاشین

فاطمه اولموش دی سنین یولداشین                        سسلنیر   ای   قانینه  غلطان حسین

شام     غریبانیوه    قربان   حسین

فاطمه   اولموش   بوگیجه      نوحه گر                       چول لری   حیران   دولانیر  دیده تر

گوردی سنین حالین اولوپ خونجگر                           سسلنیر ای خولیه  مهمان  حسین

شام     غریبانیوه    قربان   حسین

گلدی   سکینه    سنه یاس   ساخلیا                           عمه سی      زینبله    اورک     داغلیا

ممکن      اولا ن   یاره   لری      باغلیا                          گوردی کسیلمیش الین الان حسین

شام     غریبانیوه    قربان   حسین

کسدی   حسین  جان الیوی ساربان                           قالمادی جسمینده  داخی بیر  نشان

مقتلی    زینب  دولانیر    باغری قان                        هارداسان ای خواهره جانان حسین

شام     غریبانیوه    قربان   حسین

16  /01/1380 زنجان ولائی

 

گلدی محرم        قلبیمده وار غم       اوت دوتدی غمدن یاحسین       معناده عالم

عشق اهلی یکسر        اولدی مکدر               قاره چکیلدی              عرشه سراسر

هریئر ده باخسان گورسنیر         بیر قاره پرچم

مظلوم حسینیم     عطشان حسینیم  عاشقلرین اولسون سنه قربان حسینیم

 

قامت نه قامت        ائیلور قیامت              شیر دلاور        فرزندحیدر

عباس نام آورگلورالله اکبر                   یوخدی حریفی دهریده      اولاد آدم

مظلوم حسینیم     عطشان حسینیم  عاشقلرین اولسون سنه قربان حسینیم

 

مولاحسینین         جانلار فداسی                  مقصد اونونچون            الله رضاسی

بی یار ویاور           زهرابالاسی           اولموش شهادت عاشقه             الان مسلّم

مظلوم حسینیم     عطشان حسینیم  عاشقلرین اولسون سنه قربان حسینیم

 

گهواره ایچره        شهزاده اصغر                    نازلی رقیه                   همراه مادر

فعلا"سوسوزدان اولمیوپدی غنچه پرپر   لای لای چالیرلار اصغره       قیزلار دمادم

مظلوم حسینیم     عطشان حسینیم  عاشقلرین اولسون سنه قربان حسینیم

 

اکبر دی اکبر            گوزلر نه گوزلر   الحق گوزلدی    شبه پیمبر

صولتده مانندعلی                 شیرغضنفر      الله اکبر سسلنور         دلبند خاتم

مظلوم حسینیم     عطشان حسینیم  عاشقلرین اولسون سنه قربان حسینیم

 

قاسم جمالی        آی تک نمایان          جاری دیلینده             آیات قرآن

فعلا" اونونچون قورمویوپلار بزم ماتم    اوضاع عالم اولمیوب بوغمده برهم

مظلوم حسینیم     عطشان حسینیم  عاشقلرین اولسون سنه قربان حسینیم

3 /12/82 13  ساعت 30و13 زنجان سیدناصر ولائی

 

 

 

 

(حسینه  یئرلر  آغلار  گویلر  آغلار)

حسینه   اهل   محشر یکسر  آغلار

حسینه    آغلیوپدی    اول        آدم             آدین گورجک دوتوپدی قلبینی غم

توکوپدی گوز یاشین گوزدن دمادم               آتا ای وای بالام وای سویلر   آغلار

(حسینه  یئرلر  آغلار  گویلر  آغلار)

اولوالعزم    انبیا    اولموش    مکدر              گدیپلر    کربلایه    زار   و   مضطر

توکوپلر    گوز یاشین   اوردا  مکرر              حسینه    حضرت  پیغمبر     آغلار

(حسینه  یئرلر  آغلار  گویلر  آغلار)

 

حسینه      آغلیوپ      جن      و   ملک لر              حسین وای سسلنیپ دائم  فلک لر

دوتوپ     ذر      عالمیندن   غم   اورک لر               ائده   هرکیم     بو سری  باور آغلار

(حسینه  یئرلر  آغلار  گویلر  آغلار)

حسینه آغلیان چوخ   مصطفی دی              رضای    حقه     پیغمبر    رضادی

شهادت   نامه    سیلن     آشنادی               گلوسین   غرق   بوسه ائیلر  آغلار

(حسینه  یئرلر  آغلار  گویلر  آغلار)

بو  مظلومون   اولا    عالم      فداسی                اشیتدی    بطنیدن  بیکس  آناسی

اناالمظلوم   انا    العطشان    صداسی                حسینه     اولیندن    مادر    آغلار

(حسینه  یئرلر  آغلار  گویلر  آغلار)

حسینه    آغلیوپدی    عرش     داور              جهاندا  اولدی هر غمدن غمی    سر

حسینه آغلیوپ    عالم         سراسر              حسینین   ماتمینده      حیدر   آغلار

(حسینه  یئرلر  آغلار  گویلر  آغلار)

سوسوز   باشین  کسنده شمر کافر                      بابام    وای       سسلنر   اطفال    مضطر

قاچارشمره ساری غمدیده خواهر                   کسیک باش  الده  قانلی   خنجر آغلار

(حسینه  یئرلر  آغلار  گویلر  آغلار)

 

شفاعت    ائتماقا    زهرای       اطهر              الینده      ساخلیوپ      دخت     پیمبر

ابوالفضلین  قولون    قنداق   اصغر              گورنده   قانلی  کوینک محشرآغلار

حسینه   آدم  آغلار    خاتم    آغلار            ولائی نین  آلار  قلبین   غم  آغلار

گورر هر یئرده   قاره   پرچم    آغلار            آدین   ائیلر   دیلینده    ازبر  آغلار

( حسینه  یئرلر  آغلار  گویلر  آغلار)

سیدناصر ولائی       15/12/1382

گریه کن ای دیده هنگام غم است
عالمی غرق عزا و ماتم است
گریه کن ای دیده امشب تا سحر
چون سحر اوضاع عالم برهم است
گریه کن ای دیده با یاد حسین
غرق خون فردا ذبیح اعظم است
وای من فردا شود محشر به پا
روز آخر گوییا از عالم است
غرق خون گردند هفتاد و دو تن
هرچه گریی دیده در این غم کم است
نسل ابراهیم را ذبح عظیم
وانکه دلبند عزیز خاتم است
کشته گردد یک به یک یاران او
کارعالم زین مصیبت برهم است
دست عبّاس دلیر از تن جدا
نعش خونینش کنار علقم است
حلق اصغر نوک پیکان را هدف
غم به عالم تا به محشر همدم است
بار دیگر کشته میگردد علی
حرمله اینبار ابن ملجم است
روز عاشورا شود محشر عیان
روز قتل فخر نسل آدم است
گریه کن ای دیده هنگام سحر
تاسحربا غم پیمبر همدم است
تسلیت گویم به تو یا فاطمه
چونکه تامحشر تورا در دل غم است
22/12/81ساعت 9:30 شب

 

حسینیم وای حسینیم وای حسینیم
گلیر عطر محرّم کربلادن
آلیر نی لر نواسین نینوا دن
گلیر گل عطری قان آخمیش منادن
اورکده وارمنیمده شور و شینیم
حسینیم وای حسینیم وای حسینیم
 حسین وای ناله سی قالخیر سمایه
چکیپلر قاره عرش کبریایه
گلیپ ماتم آیی آل عبایه
دییر ختم رسل ای نورعینیم
حسینیم وای حسینیم وای حسینیم
 محرّم باشلانیر جوش ائیلیور قان
دییلّرشیعه لر ای وای حسین جان
اولا جانلار سوسوز سلطانه قربان
حسین دی پادشاه عالمینیم
حسینیم وای حسینیم وای حسینیم
محرّمده آخیب قان نینوادن
گلیر ناله سسی ارض و سمادن
آلیب طاقت بو غم زین العبادن
دییر زینب حسین سیز عمری نینیم
حسینیم وای حسینیم وای حسینیم
حسین دی نور حق آللاهه مرآت
حسینه آغلیوپ اهل سماوات
گلیرحقدن ندا وقت مناجات
سنه واردی حسسینیم منده دینیم
حسینیم وای حسینیم وای حسینیم
حسین دین اوسته گیچدی باش وجاندان
شهید اولدی کی قالسین زنده قرآن
آخاندا پیکریندن مقتله قان
دییر قرآن گدیر الدن معینیم
حسینیم وای حسینیم وای حسینیم
اوغول وای سسلنیر زهرای اطهر
گلیر فریاده معناده ملک لر
آچیپ عمّامه سین آغلیر پیمبر
دییر الدن گدیرحبل المتینیم
حسینیم وای حسینیم وای حسینیم
 بلا خوشدی یقین اهل ولایه
اوحالدا ائیلمز ذرّه گلایه
ولایی گوزده قان یاش گل عزایه
دینن قربان حسینه والدینیم
حسینیم وای حسینیم وای حسینیم

17/11/1383